Leninqrad vilayətində marşrut operatorlarından biri Visa və MasterCard kartlarından istifadə etməklə gediş haqqını qəbul etməyi dayandırıb. 

Valyuta.az xəbər verir ki, bu barədə RBC “Nikkos” daşıyıcı şirkətinə istinadən yazır.

“Ölkəmizdə hər bir halda keçən il hamıya maaş kartlarını hətta “Mir” kartına çevirmək tələb olunurdu. Hamıdan. Təşkilatlar, zavodlar, fabriklər və digərləri də daxil olmaqla”, - şirkətdən bildirilib.

Daşıyıcının mikroavtobusları Sankt-Peterburq və Leninqrad vilayətində doqquz marşrut üzrə fəaliyyət göstərir. Gediş haqqını ödəmək üçün sərnişinlər yalnız “Mir” ödəniş sisteminin kartından istifadə edə bilərlər.

“Diqqət, Xəbər” Telegram kanalına görə, Visa və MasterCard ilə gediş üçün ödənişin dayandırılmasına səbəb “ödəniş sistemlərinin düşmənçiliyi” olub.

İyun ayında Milli Ödəniş Kartları Sisteminin rəhbəri Dmitri Dubinin Rusiyada xarici ödəniş sistemlərindən olan kartların tədricən dövriyyədən çıxacağını bildirib. Onun sözlərinə görə, Visa və MasterCard-ın bazardan çıxması fintech-in inkişafına təsir göstərsə də, yerli “Mir” sisteminin artımına müsbət təsir göstərib.

Nicat