Təyyarələr emissiyaları azaltmaq üçün uçuş vaxtlarını artırmalı və daha yavaş uçmalıdır. 

Valyuta.az The Intependent-ə istinadla xəbər verir ki, bu barədə Kembric Universitetinin apardığı yeni araşdırmada deyilir.

Xüsusilə, yeni təhlil 2050-ci ilə qədər iqlim dəyişikliyinə təsirini azaltmağa və xalis sıfır emissiyaya nail olmağa çalışmaq üçün aviasiya sənayesi üçün bir sıra davamlılıq məqsədləri müəyyən edib.

Tədqiqat nəticəsində məlum olub ki, aviasiya hazırda qlobal istiləşmə sürətinə təxminən 4% töhfə verir, bunun 2,5%-i isə yalnız qlobal CO2 emissiyaları hesabınadır.

Universitet həmçinin hesab edir ki, mövcud sənaye standartlarında aviasiya hələ də 2050-ci ilə qədər xalis sıfır emissiyaya nail olmaq üzrə dünya üzrə hökumətlərin və təşkilatların öhdəliklərindən əhəmiyyətli dərəcədə geri qalır.

“Təhlil 2050-ci ilə qədər öhdəliklərin yerinə yetirilməsini asanlaşdırmaq üçün 2030-cu ilə qədər əldə edilməli olan dörd real hədəfi, o cümlədən təyyarələrin yaratdığı buludların qarşısını almaq, hökumətlər və sənaye arasında daha yaxşı əməkdaşlıq etmək, daha dayanıqlı yanacaq yaratmaq və yeni texnologiyalarla təcrübə aparmaq da daxil olmaqla, dörd real hədəfi müəyyən edir”, - materialda qeyd olunub.

Öz növbəsində, universitet uçuş vaxtlarını artırmaqla yanacağın yanmasını azaltmağa çalışmaq üçün "cəsarətli tədbir" təklif edib: adi marşrutlardan bir qədər yavaş uçuş.

Araşdırma nəticəsində məlum olub ki, uçuş sürətinin təxminən 15% azaldılması yanacaq sərfiyyatını 5-7% azaldacaq. Gələcək təyyarələr bu dəyişikliyi əldə etmək üçün çox güman ki, daha aşağı sürət həddiylə dizayn edilməlidir.

"Bunun mənfi tərəfi sərnişinlər üçün olacaq, çünki onların transatlantik uçuş səfəri təxminən 50 dəqiqə artacaq ki, bu da aviaşirkətin məhsuldarlığına və sərnişinlərin daha uzun uçuşlar sifariş etmək istəyinə potensial mənfi təsir göstərə bilər. Bununla belə, hesabatda qeyd olunur ki, uçuşun artması vaxt hava limanı əməliyyatlarının daha yaxşı təşkili ilə, xüsusən də gözləmə vaxtlarını azaltmaqla kompensasiya edilə bilər”, - nəşr əlavə edib.

Tədqiqatçılar həmçinin köhnə təyyarələrin ləğv edilməsi üçün yeni təyyarələrin istehsalının sürətləndirilməsini təklif edirlər. Bu, hava gəmilərinin sayını artıracaq, hava daşıyıcılarının nəzərdə tutulduqları uçuşları həyata keçirə biləcəklərini təmin edəcək.

Universitetin Uitl laboratoriyasının direktoru, professor Rob Millerin sözlərinə görə, bu cəsarətli tədbirlər “bütün sistem prosesində dəyişikliklər” tələb etdiyi üçün hələ də həyata keçirilməyib.

O, The Times qəzetinə verdiyi müsahibədə belə izah edib: "Nə aviaşirkətlər, nə istehsalçılar, nə də hava limanları bunu təkbaşına edə bilməz. Bu, heç kimin istəmədiyi üçün deyil, sadəcə olaraq sistemin mürəkkəbliyi bunu çox çətinləşdirir".

“The Independent” universitetin hesabatının bu həftə Nyu Yorkda təqdim ediləcəyini vurğulayıb.

"Aviasiya, avtomobil sənayesi 2000-ci illərin sonlarında olduğu kimi, dönüş nöqtəsindədir. Daha sonra müzakirələr benzin və dizelin əvəzedicisi kimi bioyanacaq ətrafında gedib - o vaxta qədər ki, Tesla elektrik avtomobilləri ilə gələcəyin inqilabını etdi. Bizim beş illik planımız sürətləndirmək üçün nəzərdə tutulub. Bu qərar aviasiyada 2050-ci ilə qədər xalis-sıfır tullantılara nail olmaq yoluna qoyulması ilə bağlıdır”, - Miller Kembric Universitetinin hesabatını açıqlayarkən vurğulayıb.

Nicat