Çin prezidenti Si Szinpinin 2017-ci ildə ölkəyə səfəri zamanı Finlandiyaya verdiyi və Ehtari zooparkında saxlanılan iki panda Çinə qaytarılacaq.
 
Valyuta.az xəbər verir ki, bu barədə zooparkın press-relizində deyilir.

Parkın idarə heyətinin sədri Risto Sivonen Finlandiyaya vəzifəsi nəhəng pandaların mühafizəsi üzrə beynəlxalq proqrama cavabdeh olmaq olan çinli tərəfdaşdan mühüm yardım və dəstək aldığını qeyd edib.

"Buna və zooparkın çoxsaylı səylərinə baxmayaraq, pandaları geri qaytarmaq üçün çətin qərar verməli olduğumuz bir vəziyyətə düşdük", - Sivonen deyib.

Press-relizdə bu qərarın səbəbi kimi bir çox amillərin, o cümlədən koronavirus pandemiyası və Ukraynadakı vəziyyətin səbəb olduğu turistlərin illik sayının azalması, həmçinin inflyasiya və faiz dərəcələrinin əhəmiyyətli dərəcədə artmasının olduğu deyilir. Çətin maliyyə şərtlərinə görə, zoopark pandaları daha çox saxlaya bilmir; heyvanlar bu ilin sonuna qədər Çinə qaytarılacaq.

Nicat