Bu ilin avqustunda Rusiya  ilk dəfə olaraq Çindən böyük brilyant partiyası idxal edib. 

Valyuta.az xəbər verir ki, bu barədə ÇXR gömrük xidmətinin məlumatında deyilir.

İdarənin məlumatına görə, 2024-cü ilin avqustunda Çinin Rusiyaya almaz ixracı 35 230 karat və ya 7 kiloqramdan bir qədər çox daş təşkil edib. Pul baxımından tədarük 12,4 milyon dollara çatıb və bu, Rusiya tərəfindən Çin almazlarının ilk böyük alışı olub.

Moskva bu daşları sonuncu dəfə 2013-cü ildə Pekindən alıb, lakin az miqdarda - 199 min dollarlıq.

Plexanov adına Rusiya İqtisadiyyat Universitetinin İqtisadiyyat nəzəriyyəsi kafedrasının dosenti Yekaterina Novikova statistik məlumatları agentliyə şərh edərək qeyd edib ki, hazırda Rusiya almazlarının emalının təxminən 90%-i Hindistanın kəsmə müəssisələrində, Çində isə təxminən 5-i təşkil edir, lakin bu pay getdikcə artır.

Avqustun sonunda “Vedomosti” qəzeti yazıb ki, Hindistan ilin birinci yarısında Rusiyadan 4,1 milyon karat almaz alıb ki, bu da 2023-cü ilin eyni dövrü ilə müqayisədə 22% çoxdur. 2024-cü ilin sonuna qədər Rusiyadan Hindistana almaz tədarükü 1,5 dəfə artaraq 10 milyon karata çata bilər.

Nicat