Almaniyada 3,5 milyona yaxın qaçqın var. İlin əvvəlindən onların sayı təxminən 60 min artaraq 1950-ci illərdən bu yana rekord həddə çatıb.

Valyuta.az “Neue Osnabrucker Zeitung” qəzetinə istinadən xəbər verir ki, qaçqınların sayı ilə bağlı məlumat hökumətin Bundestaqdakı Sol Partiyasının bir qrup deputatının sorğusuna cavabında verilib. Demək olar ki, 1,8 milyon qaçqın ukraynalıdır. Onların sayı 2023-cü ilin sonundan 45 min nəfər artıb.

2024-cü ilin ortalarında Almaniyada deportasiyaya məruz qalan təxminən 227 min insan qeydiyyatda idi. 2023-cü ilin sonundan etibarən onların sayı təxminən 16 min nəfər azalıb. Deportasiya edilməli olanların 80,5%-i mənşə ölkələrindəki vəziyyətə görə deportasiya edilə bilmir.

2023-cü ilin sonunda Almaniyanın əhalisi təxminən 85 milyon nəfər idi. Son bir ildə 300 min nəfər artıb, artımın əsas səbəbi miqrantlar olub. Ölkədə doğum səviyyəsi ölüm nisbətindən aşağı idi. 2022-ci ilin sonunda miqrasiya mənşəli əhalinin xüsusi çəkisinin əhalinin 24,3%-ni təşkil etdiyi bildirilib. 2023-cü ilə qədər Almaniyada müdafiəyə ehtiyacı olan 3,2 milyon əcnəbi var. Onların əksəriyyəti ukraynalılar (977 min) olub.

Almaniyanın daxili işlər naziri Nensi Feser daha əvvəl demişdi ki, Almaniya miqrantların qəbulu ilə məşğul deyil. Sentyabrın 16-dan ölkə bütün sərhədlərdə sərhəd nəzarəti tətbiq edib.

Paşa Məmmədli