Aİ Ukraynaya 35 milyard avro kredit verəcək

Avropa İttifaqı Ukraynaya yardımı çərçivəsində ona 35 milyard avro məbləğində kredit ayıracaq.

Valyuta.az xəbər verir ki, bu barədə Avropa Komissiyasının sədri Ursula fon der Leyen X sosial şəbəkəsindəki səhifəsində məlumat verib

"Avropa Komissiyası G7 öhdəlikləri çərçivəsində Ukraynaya 35 milyard avroya qədər kredit verəcək", deyə o yazıb və bunun assosiasiyanın Ukraynanın bərpasına növbəti mühüm töhfəsi olduğunu vurğulayıb.

AK rəhbərinin Kiyevə səfəri zamanı açıqlanan kredit G7 ölkələrinin Aİ-də dondurulmuş Rusiya aktivlərindən əldə edilən gəlirlərdən istifadə etməklə vəsait toplamaq üzrə daha geniş planının bir hissəsidir.

Bir gün əvvəl Avropa Komissiyasının rəhbəri Aİ-nin enerji infrastrukturunun saxlanması üçün Kiyevə 160 milyon avro ayıracağını bildirmişdi.

O qeyd edib ki, onlardan təxminən 100 milyon avro Rusiya Federasiyasının dondurulmuş aktivlərindən əldə edilən gəlirdən götürülüb.

Hərbi əməliyyat zamanı Avropa İttifaqı Ukraynaya Ukraynanın enerji təhlükəsizliyi üçün təxminən 2 milyard avro yardım ayırıb.

Paşa Məmmədli