Litva, Finlandiya, Almaniya və ABŞ Rusiyanın mineral xammalından ən çox asılı olan ölkələr sırasındadır. 

Valyuta.az xəbər verir ki, vu barədə "RİA Novosti" məlumat yayıb.

Agentliyin məlumatına görə, 2023-cü ildə Rusiya ən azı 12 növ mineral xammalın istehsalına görə dünyada ilk üç yeri tutub.

Qeyd olunur ki, alüminium Rusiya xammalı arasında ən populyar olub - onu dost olmayan 37 ölkə, ən çox Yunanıstan (ümumi idxalın 19,3%-i), Bolqarıstan (7,4%) və Estoniya (5,7%) alıb.

İkinci yerdə Rusiya titanı qərarlaşıb. Onu 26 qeyri-dost ölkə alıb, liderlər arasında Almaniya (42,2%), Belçika (15,7%) və Fransa (10,2%) olub.

Nikelə də tələbat olub. Bu mineralı 18 dost olmayan ölkə alıb, ən çox Finlandiya (90,9%), Estoniya (16,8%) və Almaniya (11,5%) alıb.

Bundan əvvəl Almaniyanın vitse-kansleri, iqtisadiyyat və energetika naziri Robert Habek Almaniyanın Rusiya qazı çatışmazlığını uğurla aradan qaldırdığını bildirmişdi. Eyni zamanda, o əmindir ki, əlavə təbii qaz həcmləri buraxılan və Almaniya bazarına daxil olan kimi Almaniyada qazın qiyməti yenidən demək olar ki, pandemiya səviyyəsinə düşəcək.

Paşa Məmmədli