Rusiyanın Avropa İttifaqı ölkələri ilə ticarət dövriyyəsi iyulda aylıq ifadədə 23% artaraq 2023-cü ilin noyabrından bəri ilk dəfə olaraq 6,03 milyard avroya çatıb. 

Valyuta.az bu barədə "Eurostat"a istinadən xəbər verir.

İyulda Rusiya Federasiyasından Avropa bazarına malların ixracı 21% artaraq 3 milyard avroya çatıb.

Almaniya Rusiyanın Aİ-də əsas ticarət tərəfdaşı olaraq qalıb. İyulda iki ölkə arasında ticarət dövriyyəsi dörddə bir artaraq 836 milyon avro təşkil edib. İlk üçlüyə həmçinin İtaliya (+38%, 829 milyon avro) və Macarıstan (+12%, 518 milyon avro) daxildir.

İyulda Rusiya Federasiyası ilə Finlandiya arasında ticarət 3,1 dəfə artaraq, 226 milyon avroya çatıb. Ticarət Xorvatiya ilə 2,7 dəfə artaraq 58 milyon avroya, Rumıniya ilə isə 2,6 dəfə artaraq 41 milyon avroya çatıb.

Bu arada, Cənubi Kipr iyul ayında Rusiya ilə ticarətin həcmini altı dəfə azaldıb. Rusiya ilə Danimarka arasında ticarət dövriyyəsi iki dəfə azalaraq, 25 milyon avroya düşüb.

Ötən ay Rusiya ilə Yaponiya arasında ticarət dövriyyəsi demək olar ki, 25 faiz artıb. Artım son iki ildə baş verib.

Paşa Məmmədli