Sentyabrda Avropa İttifaqı və Böyük Britaniyaya dizel yanacağının idxalı son 17 ayda maksimuma çata bilər. 

Valyuta.az xəbər verir ki, bu barədə "Bloomberg" bazar oyunçularının məlumatlarına istinadən yazır.

Məlumat analitik firması "Kpler"in məlumatına görə, Avropa regionuna dizel və benzin tədarükü çox güman ki, gündə təxminən 1,36 milyon barel olacaq.

Bu artım ABŞ-dan daşınmalarda cüzi azalmanı kompensasiya edən Yaxın Şərqdən yüklərin artmasına səbəb olub. Buna baxmayaraq, ABŞ Avropanın ən böyük dizel tədarükçüsü olaraq qalacaq və Səudiyyə Ərəbistanından təxminən iki dəfə çox həcm təmin edəcək.

"Kpler"in baş tələb analitiki Esteban Moreno Kotes deyib: "Sentyabr ayı, adətən, Avropada yüksək dizel tələbatının olduğu aydır ki, bu da payız NEZ-in texniki xidmət mövsümünün başlanması ilə üst-üstə düşür və qitədə dizel çatışmazlığını artırır".

Sentyabrda ABŞ-ın tədarükünün gündəlik təqribən 409 min barelə düşəcəyi, Yaxın Şərqdən idxalın isə gündəlik 664 min barelə qədər artacağı gözlənilir. BƏƏ və Omandan tədarüklər 2017-ci ilin əvvəlindən bəri ən yüksək səviyyəyə çata bilər.

Paşa Məmmədli