Rusiya qazının Ukrayna ərazisindən tranzitini dayandırsa belə, Avropanın bu qış stabil qaz tədarükünü saxlamaq üçün hər cür imkanı var.

Valyuta.az xəbər verir ki, bu barədə "Uniper SE" şirkətinin baş icraçı direktoru Maykl Lyuis danışıb.

"Avstriya və Slovakiya kimi ölkələr hələ də şərqdən yanacaqdan asılı olsalar da, Ukrayna və Rusiya arasında tranzit sazişinin 31 dekabrda başa çatması möhkəmlənmiş Avropa təbii qaz bazarını dəyişməyə çox az kömək edəcək", deyə Lyuis bildirib.

Onun sözlərinə görə, müəyyən miqdarda qaz bazarı tərk edəcək, lakin bu, bazara məlumdur və qiymətə daxil olur: "Bizim mövqeyimiz qışa girmək üçün kifayət qədər güclüdür".

Avropa hələ istilik mövsümü başlamamış qaz ehtiyatı yaradıb. O, həmçinin indi Norveçdən davamlı tədarüklər alır və Rusiyadan gələn azalmış həcmləri kompensasiya etmək üçün ABŞ kimi istehsalçılardan mayeləşdirilmiş təbii qaz idxalını artırıb.

Müddəti bitən tranzit müqaviləsini əvəz edəcək alternativlər barədə suala cavab verən Lyuis bildirib ki, "Uniper" Rusiya qazını almaq niyyətində deyil.

"Biz hər hansı ağlabatan müzakirələrdən, müharibənin dayandırılmasından və Aİ ilə Rusiya arasında münasibətlərin real bərpasından əvvəl müharibənin sonunu görməliyik".

Almaniya, xüsusən də "Uniper" artıq Rusiyanın “Qazprom” şirkətindən qaz almır. Rusiya Ukraynanı işğal etdikdən və Avropaya qaz ixracını məhdudlaşdırdıqdan sonra vaxtilə “Qazprom”un əsas müştərilərindən biri olan şirkət alternativ tədarük üçün gündə yüz milyonlarla avro ödəməli oldu və bunu ancaq dövlət dəstəyi ilə edə bildi. İyun ayında beynəlxalq arbitraj "Uniper"ə 2022-ci ilin ortalarından etibarən "Qazprom" tərəfindən tədarük olunmayan Rusiya qazının həcminə görə 13 milyard avrodan (14,5 milyard dollar) çox kompensasiya təyin edib.

Paşa Məmmədli