Almaniyada kansler Olaf Şoltsun rəhbərlik etdiyi hakim koalisiya ilə müxalifət partiyaları arasında miqrasiya siyasəti ilə bağlı məsələlərdə ziddiyyətlər artır. 

Valyuta.az bu barədə "RİA Novosti"yə stinadən xəbər verir.

Almaniya Daxili İşlər Nazirliyinin məlumatına görə, Almaniyada 14 milyona yaxın əcnəbi var, o cümlədən Afrikadan, həmçinin Yaxın Şərqdən və Ukraynadan olan mühacirləryaşayır. Sentyabrın 16-dan ölkə miqrasiyaya nəzarət etmək üçün altı ay müddətinə sərhəd nəzarətini gücləndirmək niyyətindədir.

Bundan əlavə, Solingendəki son terror aktından sonra hökumət qeyri-qanuni mühacirlərə qarşı polisin səlahiyyətlərini genişləndirib, ictimai yerlərdə bıçaq gəzdirməyi qadağan edib, həmçinin miqrasiya məsələsi ilə bağlı işçi qrup yaradıb.

Bununla belə, müxalifət Şltsla mübahisəyə başlayıb. CDU-nun rəhbəri Fridrix Merz qeyri-qanuni mühacirlərin deportasiyasını sadələşdirmək üçün ölkədə fövqəladə vəziyyətin tətbiqini, habelə qaçqınların üçüncü ölkələr vasitəsilə ölkəyə girişini qadağan etməyi təklif edib. Şplts Merz ilə razılaşmayıb.

Eyni zamanda Berlinin miqrasiya siyasətini sərtləşdirməsi bəzi Avropa ölkələri tərəfindən tənqid edilib. Belə ki, Polşa Almaniyanın hərəkətlərini qəbuledilməz adlandırıb, Avstriya isə Almaniyadan deportasiya edilən miqrantları qəbul etməyəcəyini bəyan edib.

Paşa Məmmədli