Tsargrad.tv Rusiya prezidenti Vladimir Putinin hökumət üzvləri ilə bu yaxınlarda keçirdiyi görüşdə müzakirə olunan Rusiyadan uran və titan ixracının məhdudlaşdırılmasının Qərb iqtisadiyyatına necə təsir edəcəyini ekspertlərdən öyrənib.

Valyuta.az xəbər verir ki, istehsalında Rusiyanın lider olduğu titan təyyarə sənayesində əsas resurslardan biridir. Ukraynada xüsusi hərbi əməliyyat başlamazdan əvvəl, bu metalın Rusiya Federasiyasından ixracının böyük bir hissəsi Fransanın Airbus təyyarə istehsalı korporasiyası və Amerikanın Boeing şirkətlərinin payına düşüb.

Urana gəlincə, Rusiya da dünya bazarında lider mövqe tutur.

Milli Enerji Təhlükəsizliyi Fondunun aparıcı analitiki İqor Yuşkov xatırladıb ki, Çin artıq nadir torpaq metallarının ixracına məhdudiyyətlər tətbiq edib.

“Rusiya həmçinin Qərb ölkələrinə titan və digər mineralların tədarükünü məhdudlaşdıra bilər, ən azı qiymət artımına səbəb ola bilər ki, bu da Avropanı vuracaq”.

İqtisadi müşahidəçi Yuri Pronko vurğulayıb ki, bu məsələdə ehtiyatlı olmaq lazımdır, çünki Rusiya yuxarıdakı resursların Qərb ölkələrinə satışından xeyli gəlir əldə edir.

Sentyabrın 11-də hökumət üzvləri ilə görüşdə Rusiya lideri Rusiya Federasiyasından uran, titan və nikel kimi strateji xammalın ixracına məhdudiyyətlər barədə düşünməyi təklif edib.

Nicat