Ukraynada müdafiə istehsalı kompleksi son illərdə təxminən altı dəfə genişlənib ki, bu da əsasən kənar investisiyalar hesabına mümkün olub.

Valyuta.az xəbər verir ki, bunu çərşənbə günü Kiyevdə mətbuat konfransı zamanı ABŞ dövlət katibi Entoni Blinken deyib.

"Ukraynanın müdafiə sənayesi bazası son bir neçə ildə 6 dəfə artıb. Bu, bir çoxumuzun qoyduğu böyük investisiyaların nəticəsidir", - Blinken deyib.

O qeyd edib ki, bu, Ukraynanın uzunmüddətli maraqları üçün işləyir və bu, çox vacibdir, çünki “Ukraynanın uğurunun göstəricilərindən biri həm hərbi, həm də iqtisadi, demokratik və hərbi baxımdan öz ayaqları üzərində möhkəm dayana bilməsidir”.

Blinken vurğulayıb ki, müdafiə sənayesi bazasına sərmayə qoymaq “Rusiya təcavüzünün təkrarlanmamasını və Ukraynanın aqressiyadan çəkindirmək, lazım gələrsə, müdafiə etmək qabiliyyətinə malik olmasını təmin etmək üçün ən yaxşı yoldur”.

Bununla bağlı o, bütün dünya şirkətlərinin Ukraynanı “təcavüzün davam etməsinə baxmayaraq, investisiyalar üçün çox cəlbedici yer” kimi gördüyünə inamını ifadə edib.

Xatırladaq ki, ABŞ dövlət katibi Entoni Blinken Böyük Britaniyanın xarici işlər naziri Devid Lammi ilə birlikdə Kiyevdə Ukrayna hökumətinin rəhbərliyi ilə döyüş meydanındakı vəziyyəti, Ukraynanın ehtiyaclarını, Rusiya Federasiyasına hücumların mümkünlüyü və digər məsələləri müzakirə edib.

Nicat