Avropanın enerji məsələləri üzrə komissarı Kadri Simson Rusiya ilə müqavilə başa çatdıqdan sonra Avropa şirkətlərinin Ukraynanın qaz tranziti üçün infrastrukturundan istifadə etmək hüququnu açıqlayıb. 

Valyuta.az xəbər verir ki, bu barədə "RİA Novosti" məlumat yayıb.

O qeyd edib ki, Kiyev də buna maraq göstərir: "Avropa şirkətlərinin Ukrayna infrastrukturundan istifadə etmək hüququ var, buna qarşı heç bir sanksiya yoxdur və Ukrayna tərəfində də maraq var".

Kadri Simson həmçinin bildirib ki, Aİ Ukrayna ərazisindən tranzitlə tədarük edilən Rusiya təbii qazından imtina etməyə hazırlaşıb: "Aİ Ukraynadan keçən Rusiya təbii qazı olmadan yaşamağa hazırdır".

Avropa komissarı qeyd edib ki, Rusiya qazının 2021-ci ildəki 45%-dən 2023-cü ildə 15%-ə enməsinə baxmayaraq, Aİ-yə Rusiya qazının idxalı hələ də təsir edicidir.

Qazın Rusiya Federasiyasından Ukrayna ərazisindən Avropaya tranziti üzrə müqavilə bu ilin sonunda başa çatır. Ukrayna tərəfi onu uzatmaq fikrində deyil.

Bir gün əvvəl Ukraynanın baş naziri Denis Şmıqal Ukraynanın Rusiya nefti Avropadan şirkətlər tərəfindən alınarsa, tranzit etməyə hazır olduğunu açıqlamışdı. Eyni zamanda o, əlavə edib ki, Kiyev Rusiya neftinin və qazının tranziti üzrə sazişlərin uzadılmasına dair Moskva ilə danışıqlar aparmır və aparmaq niyyətində deyil.

"Bloomberg" daha əvvəl bildirmişdi ki, Avropa ilin sonuna qədər Ukrayna ərazisindən Rusiya qazının tranzitini mümkün dayandırmağa hazırlaşır. Onun məqaləsində qeyd olunub ki, Moskva və Kiyev arasında Rusiya qazının Aİ-yə nəqli ilə bağlı müqavilənin müddəti dekabrda başa çatana qədər çox güman ki, uzadılmayacaq.

"ExPro Consulting" analitiki Mixail Svişçonun fikrincə, Ukrayna üçün tranzitin dayandırılması tranzit ödənişlərində ildə 800 milyon dollara qədər itki demək ola bilər.

Sentyabrın 7-də “Qazprom”un Ukrayna ərazisi ilə Avropaya qaz nəqlinin həcmini sutkada 42,1 milyon kubmetrə qədər azaltdığı barədə məlumat yayılıb.

Paşa Məmmədli