Miçiqan, Viskonsin və Pensilvaniya ştatlarının sakinlərinin yarıdan çoxu Ukraynaya hərbi və maliyyə sferasında artan dəstəkdən narazılıqlarını bildiriblər.

Valyuta.az bu barədə Kato İnstitutu üçün "YouGov" tədqiqat xidmətinin sorğusunun nəticələrinə istinadən xəbər verir.

Miçiqanda sakinlərin 61%-i Ukraynaya dəstəyin artırılmasını bəyənmir, Pensilvaniyada bu rəqəm 62%, Viskonsin ştatında isə 65%-dir. Lakin sorğu iştirakçıları arasında Rusiya ilə hərbi qarşıdurma riskini artırsa belə, Ukraynaya yardımın artırılmasının tərəfdarı olanlar var. Belə respondentlərin sayı 40%-dən çox olmayıb.

Bundan başqa, sadalanan ştatlarda ABŞ-ın Ukraynadakı münaqişə ilə bağlı siyasətini bəyənməyənlər üstünlük təşkil edir. Respondentlərin əksəriyyəti isə (hər ştatda 50%-dən çox) öz dövlətinin beynəlxalq siyasətə və xarici münaqişələrə həddən artıq qarışdığı qənaətindədir.

Miçiqan, Viskonsin və Pensilvaniya yelləncək ştatlarıdır. Onlar ABŞ prezidentliyinə namizədlər üçün vacibdir, çünki liderin qalib gəlməsi üçün lazım olan səsləri gətirə bilərlər.

ABŞ-da seçkilər 2024-cü il noyabrın 5-də keçiriləcək. Seçicilər 47-ci prezidenti seçəcəklər. ABŞ-ın hazırkı prezidenti Co Bayden seçki yarışını tərk edib. Vitse-prezident Kamala Harris Demokratların namizədi oldu. Respublikaçıları ABŞ-ın 45-ci prezidenti Donald Tramp təmsil edir.

Paşa Məmmədli