Avropa Mərkəzi Bankının (ECB) keçmiş prezidenti Mario Draqi Avropa İttifaqında iqtisadi tənəzzül riski barədə xəbərdarlıq etməyə və vahid bazarı gücləndirmək üçün əhəmiyyətli investisiyalar tələb etməyə hazırlaşır. 

Valyuta.az bu barədə "Bloomberg"ə istinadən xəbər verir.

Agentliyin məlumatına görə, Draqi keçən həftə Aİ nümayəndələri ilə qapalı görüşdə deyib ki, hökumətlər Çin və ABŞ-dan gələn çağırışlara tez cavab verə bilmədiklərini getdikcə daha çox dərk edirlər. Onun strategiyası Aİ-nin potensialının üç sütununu - Aİ-nin vahid bazarını, istedadını və kapitalını əngəlləyən əsas maneələri aradan qaldırmaq məqsədi daşıyır.

İtaliyanın eçmiş baş naziri sosial inklüzivliyə güclü diqqət yetirməklə yanaşı, enerji, telekommunikasiya və maliyyə də daxil olmaqla, əsas sektorlarda genişləndirilməsini təklif edir. Draqi həmçinin qeyd edib ki, demoqrafik dəyişikliklər vacibdir, çünki əhalinin azalması Aİ-nin innovasiya qabiliyyətinə təsir edən bacarıq çatışmazlığını gücləndirir.

Əsas maliyyələşdirmə məsələsində Draqi bildirib ki, blok özünün birgə borclanma imkanlarından, xüsusən də parçalanmış xərclərin ümumi səmərəliliyi azaldan müdafiə kimi sahələrdə daha yaxşı istifadə etməlidir.

Ötən həftə "Volkswagen"in baş direktoru Oliver Blum Avropa avtomobil sənayesinin görünməmiş çətin vəziyyətdə olduğunu bildirib. Avropada avtomobil satışları azalır və iqtisadi şərait xüsusilə Volkswagen markası üçün getdikcə çətinləşir. Qənaət uğrunda mübarizədə şirkət Almaniyadakı zərərli zavodları bağlamağı və işə zəmanət proqramını ləğv etməyi düşünür.

Paşa Məmmədli