“Sibirin Gücü 2” qaz kəmərinin tikintisi ilə bağlı danışıqlar davam edir, lakin hazırda yekun razılaşma yoxdur. 

Valyuta.az xəbər verir ki, bu barədə TASS-a Şərq İqtisadi Forumunda (EEF) Rusiya prezidentinin mətbuat katibi Dmitri Peskov bildirib.

“Bu, meqalayihələr kateqoriyasına aid olan layihədir. Çox mürəkkəbdir. Ən əsası isə bu, kommersiya layihəsidir. Və onun həyata keçirilməsi üçün kommersiya danışıqları aparılır. Kommersiya danışıqları həmişə sükutla aparılır və çox uzun müddət, ehtiyatla aparılır”, - Kreml nümayəndəsi bildirib.

“Sibirin Gücü - 2” layihəsi Sibirin qaz yataqları ilə Çinin qərbindəki Sincan-Uyğur Muxtar Bölgəsi arasında uzanacaq proqnozlaşdırılan qaz kəməridir. Onun Monqolustan vasitəsilə Rusiyadan Çinə ildə 50 milyard kubmetrə qədər təbii qaz tədarük edə bilməsi planlaşdırılır.

İyun ayında Çin Xarici İşlər Nazirliyinin rəsmi nümayəndəsi Mao Ning jurnalistlərin “Sibirin Gücü - 2” layihəsinin “dalana dirənibmi” sualına cavab verib. Diplomat vurğulayıb ki, Çin və Rusiya liderləri qarşılıqlı faydalı təmas nöqtələrinin tapılması, maraqların dərin inteqrasiyası və qarşılıqlı uğurun əldə edilməsi ilə bağlı konsensus əldə ediblər.

Nicat