ABŞ iyulda Rusiyadan gübrə idxalını 16% artırıb. Bundan əvvəl ABŞ üç ay ərzində bu məhsulun alışını azaltmışdı. 

Valyuta.az xəbər verir ki, bu barədə Amerika statistika xidmətinin hesabatında göstərilir.

Yayın ikinci ayının sonunda ABŞ iyundakı 53,8 milyon dollara qarşı 62,4 milyon dollarlıq Rusiya gübrələri alıb. Müqayisə üçün: mart ayında ölkə Rusiya Federasiyasından 174,2 milyon dollar dəyərində gübrə idxal edib.

Nəticədə, iyul ayında Rusiya ikinci yeri tutaraq, ştatlara gübrə tədarükçülərinin ilk üçlüyünə daxil olub. Kanada lider olaraq qalır. Həmin dövrdə ölkə Amerika bazarına 295,9 milyon dollar dəyərində gübrə tədarük edib.

İlk beş əsas idxalçıya həmçinin İsrail (43,5 milyon dollar), İordaniya (29,1 milyon dollar) və Livan (14,6 milyon dollar) daxildir.

Yayda Avropa Birliyi ölkələri də aktiv şəkildə Rusiya gübrələrini satın alıblar. Belə ki, iyun ayında Aİ idxalı aylıq müqayisədə 16% artıraraq 90,1 milyon avroya çatdırıb.

Nicat