Orijinal qazlı içki "Pepsi" Rusiya mağazalarında yeni adla rəflərə qayıda bilər. 

Valyuta.az xəbər verir ki, bu barədə Moskva şəhər xəbər agentliyinin "Telegram" kanalında məlumat verilib.

Materialda aydınlıq gətirilir ki, bu yaxınlarda Amerikanın "PepsiCo" korporasiyası Rusiya Federasiyasında yeni ticarət nişanının qeydiyyata alınması üçün ərizə verib. Müraciət birbaşa ABŞ-dan 700 Anderson Hill Road, Purchase, New York 10577 ünvanından təqdim edilib. "PepsiCo"nun baş ofislərindən biri orada yerləşir.

"Pepsi-Cola" brendi altında şirkət alkoqolsuz soda istehsal edə biləcək", deyə bildirilib.

2022-ci ilin mart ayında "PepsiCo-nun mətbuat xidməti şirkət tərəfindən istehsal olunan içkilərin Rusiya Federasiyasında satışını dayandırdığını elan etdi. Buraya "Pepsi", "Mirinda" və "7Up" limonadları daxildir. Bundan əlavə, korporasiya ölkədəki bütün reklam fəaliyyətlərindən imtina edib.

20 sentyabr 2022-ci il tarixində "Reuters" Rusiya Federasiyasında "Pepsi", "7Up" və "Mountain Dew" limonadlarının istehsalının tamamilə dayandırıldığını bildirib. Səbəb "PepsiCo"nun gedişindən sonra ölkədə hələ də qalan bütün konsentratların istehlakı olub.

Paşa Məmmədli