2024-cü ilin sentyabr ayına olan məlumata görə, rusiyalıların xaricdə otel sifarişlərinin sayı 2023-cü ilin sentyabrına qədər 81% artıb. Vyetnamda tətillər payızın əvvəlində ən ucuz başa gələcək - yerli otellərdə bron edilmiş bir gecənin orta qiyməti 4,4 min rubl təşkil edib. 

Valyuta.az xəbər verir ki, bu statistikanı Gazeta.ru-nun sorğusu əsasında Ostrovok mehmanxana və mənzillərin onlayn bronlaşdırma xidmətinin mətbuat xidməti təqdim edib.

İkinci yerdə Qırğızıstan (oteldə bir gecəlik orta hesabla 5,2 min rubl), üçüncü yerdə Qazaxıstan (5,4 min rubl) qərarlaşıb. Abxaziya və Belarusiyada bir gecə orta hesabla 5,5 min rubl, Taylandda isə  5,6 min rubl təşkil edir. Bolqarıstanda bir gecə üçün ruslar orta hesabla 5,65 min rubl, Gürcüstan və Özbəkistanda hər biri 5,7 min rubl ödəməlidir. İlk onluğu Ermənistan qapayır. Orada bir oteldə bir gecənin orta qiyməti 6,1 min rubla başa gələcək.

Sifarişlərin ən yüksək artım templəri Vyetnamda müşahidə olunur - Rusiyanın oradakı otellərə tələbatı 6 dəfə, Yaponiyada (üç dəfə artım), Çində (iki dəfədən çox), İndoneziyada (iki dəfə), o cümlədən xaricdə bəzi qonşu ölkələrdə artıb. Belə ki, Abxaziyada rusiyalı turistlərin yerləşdirməyə tələbatı 4 dəfə, Qazaxıstan və Gürcüstanda 2 dəfə, Belarusda 86%, Qırğızıstanda 78%, Azərbaycanda bir yarım dəfə artıb. Bəzi Avropa istiqamətlərində də artım müşahidə olunur: 

Monteneqroda  – iki dəfə, Macarıstanda – 95%, Fransada – 26%.

Sentyabrda ruslar arasında ən populyar 10 istirahət məkanına Belarus, Abxaziya, Türkiyə, Gürcüstan, Yaponiya, Özbəkistan, Qazaxıstan, Tailand, İtaliya və Ermənistan daxildir. Ən bahalı otellər Türkiyə (orta hesabla bir gecəlik 10,45 min rubl) və İtaliyadadır (13,7 min rubl).

Tədqiqat 2024-cü ilin avqustunda aparılıb.

Nicat