Estoniya ağır iqtisadi tənəzzülün əzabını çəkir, həyat standartları 7 il geri qalır və digər Avropa ölkələri inkişaf edərkən iqtisadiyyat kiçilir. 

Valyuta.az xəbər verir ki, bunu Estoniya parlamentinin maliyyə komissiyasının sədr müavini Andrey Korobeinik deyib.

"Bu il Estoniya Avropada yeganə ölkədir ki, iqtisadiyyatı daralır, digər ölkələr, o cümlədən Ukrayna və Rusiya inkişaf edir", deyə Korobeinik bildirib.

Siyasətçi qeyd edib ki, gələn il cüzi iqtisadi artım olsa belə, əhalinin alıcılıq qabiliyyəti aşağı səviyyədə qalacaq. O, bu vəziyyətə səbəb kimi yüksək inflyasiya və hökumətin dəqiq iqtisadi artım strategiyasının olmaması ilə əlaqələndirir.

Paşa Məmmədli