Qərb ölkələri arasında Rusiya Federasiyasının blokadaya alınmış aktivlərindən əldə edilən gəlirlə təmin edilmiş Ukraynaya 50 milyard dollar yardım ayrılması ilə bağlı danışıqlar Amerika rəhbərliyinin tələbləri səbəbindən ləngiyir. 

Valyuta.az xəbər verir ki, bu barədə "Euractiv" öz mənbələrinə istinadən yazıb.

Materialdan belə çıxır ki, Birləşmiş Ştatlar Avropa İttifaqına (Aİ) üzv olan dövlətlərdən Rusiya əleyhinə sanksiyaların daha uzun müddət saxlanılmasına təminat vermələrini istəyir. Jurnalistlərin sözlərinə görə, hazırda bölgə ictimaiyyəti məhdudiyyətləri hər altı aydan bir uzadır.

Vaşinqton tələb edir ki, Moskvaya tətbiq edilən məhdudiyyətlərin müddəti 12 aya və ya daha çox artırılsın. Nəşrin müəlliflərinin qeyd etdiyi kimi, Amerika hakimiyyəti müvafiq şərt qoyur, çünki onlar gələcəkdə sanksiyaların müddətini uzadarkən Aİ-yə üzv ölkələrdən birinin bunun əleyhinə səs verəcəyindən ehtiyat edirlər. Xüsusən də Macarıstan bu addımı ata bilər.

Hadisələrin bu inkişafı ilə Qərb dövlətlərinin Rusiya Federasiyasının dondurulmuş aktivlərindən əldə edilən gəlirlərdən istifadə etməyi planlaşdırdıqları maliyyə öhdəlikləri onların öz üzərinə düşəcək.

2024-cü il iyunun 13-də G7 ölkələrinin liderləri bloklanmış Rusiya aktivlərindən əldə edilən mənfəətdən Kiyevə kömək etmək üçün 50 milyard dollar ayırmağa razılaşıblar. Bu ilin sonuna qədər Ukraynanın bu vəsaiti alacağı gözlənilir.

Paşa Məmmədli