İyunun nəticələrinə əsasən, İndoneziya Rusiyadan taxıl alışını 2023-cü ilin eyni dövrü ilə müqayisədə təxminən 11 dəfə artırıb. 

Valyuta.az xəbər verir ki, bu barədə "RİA Novosti" İndoneziya statistika xidmətinin məlumatlarına istinadən yazıb.

Yayın ilk ayı ərzində İndoneziya 95 min ton Rusiya taxılı alıb. Müqayisə üçün qeyd edək ki, ötən ilin iyununda bu rəqəm cəmi 4,7 min ton olub.

Ümumilikdə, yanvar-iyun aylarının nəticələrinə görə, Asiya ölkəsi 221,4 milyon dollar dəyərində 782,6 min ton Rusiya xammalı idxal edib. Üstəlik, altı ayda idxalın həcmi artıq bütün 2023-cü ilin göstəricisinin demək olar ki, 80%-ni təşkil edib.

Rusiyadan İndoneziyaya taxıl ixracında əsas payı buğda tutur. Onun payı bütün tədarüklərin 99%-ni təşkil edib. Rusiya İndoneziya bazarına beşinci ən böyük buğda tədarükçüsüdür. İlk 5-liyə həmçinin Avstraliya (1,9 milyon ton), Kanada (1,43 milyon), Argentina (1,39 milyon) və Ukrayna (948 min) daxil olub.

Paşa Məmmədli