Yanvar-iyun aylarının nəticələrinə görə, Türkiyə 25,8 milyard dollar dəyərində Rusiya malları alıb. 

Valyuta.az xəbər verir ki, bu barədə TASS Milli Statistika İnstitutunun məlumatlarına istinadən yazıb.

Müqayisə üçün qeyd edək ki, 2023-cü ilin 7 ayının yekunlarına görə, bu istiqamətdə idxalın həcmi 28,38 milyard dollar təşkil edib.

Tədarükün azalmasına baxmayaraq, Rusiya Türkiyənin əsas idxalçıları arasında birinci yerdə qalıb. Çin ikinci yeri tutub. Yanvar-iyul aylarında Çin Türkiyə bazarına 25,4 milyard dollarlıq mal göndərib.

7 ay ərzində türk mallarının əsas alıcısından biri Almaniya olub. Dövr ərzində Almaniya Türkiyədən 11,9 milyard dollar dəyərində məhsul alıb.

Ümumilikdə, dövr ərzində Türkiyə 198,6 milyard dollar dəyərində xarici mal idxal edib (illiklə müqayisədə -8,3%). Ölkədən ixrac 148,7 milyard dollar (+4,1%) təşkil edib.

Paşa Məmmədli