Rusiya ilə Avropa İttifaqı ölkələri arasında ticarət dövriyyəsi iyunun sonunda 4,9 milyard avro təşkil edib.

Valyuta.az bu barədə "Eurostat"a istinadən xəbər verir.

Rusiya Federasiyası ilə Avropa arasında ticarətin həcmi son 25 ildə ilk dəfə olaraq 5 milyard avrodan aşağı düşüb. Aylıq ifadədə ticarət dövriyyəsi 10% azalıb.

Rusiyanın Portuqaliya ilə ticarəti ən çox iyunda - 4,3 dəfə azalaraq 13,2 milyon avroya düşüb.

Bu arada, bir sıra Avropa ölkələri ilə ticarət, əksinə, iyun ayında artıb. Beləliklə, Rusiya Federasiyasının Bolqarıstan və Rumıniya ilə ticarət dövriyyəsi birinci yay ayının sonunda 15% artaraq müvafiq olaraq 55,8 və 12,3 milyon avroya çatıb. Niderlandla ticarət 10% artaraq 462,4 milyon avroya, Xorvatiya ilə 7 faiz artaraq 21,5 milyon avroya, Avstriya ilə 6 faiz artaraq 284,2 milyon avroya, Fransa ilə 6 faiz artaraq 449,4 milyon avroya, Macarıstanla 3% artaraq 464 milyon avroya, Litva ilə 1% artaraq 87,9 milyon avroya çatıb.

İyun ayında Rusiya mallarının Aİ-yə ixracı may ayı ilə müqayisədə 14% azalaraq 2,5 milyard avro təşkil edib ki, bu da 1999-cu ilin fevralından bəri minimum göstəricidir.

Paşa Məmmədli