"India_X_Kr3w" haker qrupu "McDonald's"ın rəsmi "Instagram" hesabını sındırıb və abunəçilərdən 700 min dollar kriptovalyuta oğurlayıb. 

Valyuta.az xəbər verir ki, bu barədə "Cointelegraph" məlumat yayıb.

Hakerlər 5 milyondan çox insanın izlədiyi səhifəyə giriş əldə ediblər. Daha sonra onlar "Grimace" tokeninin "McDonald's Solana təcrübəsi"nin bir hissəsi olduğunu iddia edən bir neçə yazı dərc edərək, saxta kriptovalyuta üçün reklam yayımlayıblar. Bu nəşrlər tez bir zamanda populyarlıq qazanıb və bu, tokenin dəyərinin kəskin artmasına səbəb olub.

"Bubblemaps" analitikləri hakerlərin "Solana pump.fun mem" yerləşdiricisindən istifadə etdiyini aşkar edib. Onlar "Grimace" tokenlərinin ümumi tədarükünün 75%-ni alıblar və məbləği 100 müxtəlif pul kisəsinə paylayıblar. "DexScreener"ə görə, memcoinin bazar kapitallaşması 30 dəqiqə ərzində bir neçə min dollardan 25 milyon dollara yüksəlib. Lakin sonra hakerlər öz aktivlərini atıblar ki, bu da tokenin dəyərinin 650 min dollara enməsinə səbəb olub.

Daha sonra fırıldaqçılığı etiraf etmək üçün "McDonald's" səhifəsinin təsvirini yeniləyiblər

"Bağışlayın, sizi indicə "India_X_Kr3w" aldatdı. "Solana", 700.000 dollara görə təşəkkür edirəm", deyə qeyd ediblər.

"Bubblemaps" təsdiqləyib ki, hakerlər "Solana" kriptovalyutasında təxminən 700 min dollar qazana biliblər.

"McDonald's" tezliklə hesaba girişi bərpa edib və saxta yazıları və təsviri silib. “New York Post”a şərhində şirkət baş verənləri etiraf edib və abunəçilərindən bağışlanmalarını istəyib.

Paşa Məmmədli