ABŞ-ın ən böyük neft xidməti şirkəti Halliburton kiberhücuma məruz qalıb. 

Valyuta.az xəbər verir ki, bu barədə Reuters yazır.

Şirkətin Hyuston, Texas ofisi və Halliburtonun beynəlxalq rabitə şəbəkəsi zərər çəkib. Bunun fonunda şirkətin bəzi əməkdaşlarından internetdən istifadədən çəkinmələri tələb olunub.

"Biz müəyyən şirkət sistemlərinə təsir edən problemdən xəbərdarıq və səbəbi və potensial təsiri qiymətləndirmək üçün səylə çalışırıq", - korporasiyadan deyilib.

Artıq problemin aradan qaldırılması istiqamətində işlərin aparıldığı vurğulanır.

2022-ci ilin sentyabrında Halliburton neft xidmətləri korporasiyası biznesini satıb və müharibəyə görə Rusiyanı tərk edib. İndi ondan müstəqil bir şirkət olan BurServis MMC Halliburtonun Rusiyadakı biznesinə və aktivlərinə sahibdir və onu idarə edir.

Halliburton enerji sənayesi üçün dünyanın ən böyük məhsul və xidmətləri təchizatçılarından biridir. 70-dən çox ölkədə 45 minə yaxın işçisi var.

Nicat