Vitse-prezident Kamala Harrisin amerikalı ailələr üçün xərcləri azaltmaq üzrə iqtisadi planı çətin ki, məqsədlərinə çatsın. 

Valyuta.az xəbər verir ki, “The Economist” jurnalına müsahibə verən ekspertlər belə hesab edirlər.

Onun təkliflərinin çoxu inflyasiyanın pisləşməsi və iqtisadi artımın yavaşlaması riskini daşıyır.

Harris xərclərin dörd əsas sahəsinə diqqət yetirir: mənzil, qida, səhiyyə və vergilər. Qəzet yazır ki, onun bəzi ideyaları, məsələn, 3 milyon yeni evin tikintisini təşviq etmək faydalı görünsə də, digər tədbirlər əks effekt verə bilər.

Belə ki, onun “möhtəkirliyə” qadağa qoymaqla ərzaq qiymətlərinin artımını məhdudlaşdırmaq niyyəti kəskin tənqid olunub. Fed-in araşdırması göstərdi ki, pandemiya zamanı şirkətlər qiymətləri obyektiv amillərin diktə etdiyindən artıq qaldırmayıb.

Bundan əlavə, ekspertlər Harrisin bir çox təkliflərinin, o cümlədən vergi güzəştlərinin artıq yüksək səviyyədə olan büdcə kəsirinin daha da artmasına səbəb olacağını qeyd edirlər. Bununla belə, pisləşən fiskal vəziyyətin öhdəsindən necə gəlməyi planlaşdırdığı bəlli deyil.

Nicat