Qırğızıstanda bəzi banklar Rusiya Federasiyasına qarşı tətbiq edilən sanksiyalara görə, mobil proqramlar vasitəsilə Rusiyanın Sberbank, MTS Bank və Tinkoff Bankına pul köçürmələrinin (hər iki istiqamətdə) dayandırıldığını elan ediblər. 

Valyuta.az xəbər verir ki, bu barədə 24.kg məlumat yayıb.

"Hazırda texniki səbəblərə görə Rusiya Federasiyasından onlayn köçürmələri qəbul etmək mümkün deyil", - "Bakai Bank" nəşrə bildirib.

“Dəmir Bank” izah edib ki, Rusiya bankları sanksiyalar altındadır, ona görə də onlara transferlər “keçməyəcək”.

“Sadalanan bütün banklar sanksiyalar altındadır, köçürmələr mümkün deyil”, - “Optima Bank” əlavə edib.

“Eldik Bank” (RSK Bank), “FinanceCreditBank” və “Qırğızkommertsbank”da da vəziyyət oxşardır.

Qırğızıstan Respublikasının Milli Bankı bildirib ki, respublikanın kommersiya bankları “terrorizmin maliyyələşdirilməsi və çirkli pulların yuyulması ilə mübarizə haqqında qanunvericiliyə əməl etməyə borcludurlar”. Bu, mümkün ikinci dərəcəli sanksiyaların qarşısını almaq üçün müştərilərin və əməliyyatların hərtərəfli yoxlanılmasını nəzərdə tutur.

“Bu gün aşağıdakı sistemlər vasitəsilə hesab açmadan Rusiyadan/Rusiyaya pul köçürmələri göndərmək/qəbul etmək mümkün olaraq qalır: Unistream, Zolotaya Korona, Astrasend, PLUSPAY”, – deyə Milli Bankdan bildirilib.

Departamentin məlumatına görə, sanksiya siyahısında 62 Rusiya bankı var.

Bir gün əvvəl məlum olub ki, Qırğızıstan “Keremet Bank”ı Rusiya bankları, o cümlədən Sberbank və Tinkoff vasitəsilə pul köçürmələrini dayandırıb. Məhdudiyyətlər qeyri-müəyyən müddətə tətbiq edilir, lakin müştərilər hələ ki beynəlxalq köçürmə sistemlərindən istifadə edə bilərlər.

Bundan əvvəl Qırğızıstan MBankı ABŞ-ın sanksiyaları təhlükəsi altında Rusiyadan köçürmələrin emalını dayandırıb.

Nicat