"Neftin qiymətinin düşməsinin əsas səbəbi Yaxın Şərqdə daha da eskalasiyanın olmamasıdır".

Valyuta.az xəbər verir ki, bunu resurs və enerji bazarı üzrə müstəqil ekspert Vladimir Demidov Lenta.ru-ya deyib. 

Ticarət məlumatlarına görə, avqustun 20-də "Brent" markalı neftin qiyməti avqustun 7-dən bəri ilk dəfə olaraq 77 dollardan aşağı düşüb.

"Neftin ucuzlaşmasının əsas səbəbi İran və İsrail arasında eskalasiyanın olmamasıdır. Bunun fonunda ABŞ satınalma proqnozunun əksinə olaraq Federal Ehtiyat Sisteminə neft almağa başladı - ehtiyatların həcminin təxminən 5 milyon barel azalacağı gözlənilirdi, lakin 1,5 milyon barel artım oldu. Bu, domino effekti yaratdı - ABŞ-da ehtiyatların artması ilə bağlı xəbərlər qiymətlərin daha güclü enməsinə səbəb oldu", deyə analitik izah edib.

İyulun 31-də HƏMAS Siyasi Bürosunun rəhbəri İsmayıl Haniyə İranda raket hücumu nəticəsində həlak olub. Hərəkat hadisəyə görə İsraili günahlandırıb. Lakin İsrail ordusunun nümayəndələri insidentə görə məsuliyyəti öz üzərinə götürməkdən imtina edib. İranın xarici işlər naziri vəzifəsini icra edən Əli Baqeri Kani Haniyənin Tehranda öldürülməsinə görə İsrailə sərt cavab verəcəyinə söz verib.

Avqustun 13-də "Brent" markalı neftin qiyməti ölkələr arasında eskalasiya fonunda bir barel üçün 82 dollara qədər bahalaşsa da, bundan sonra qiymətlər ucuzlaşmağa başlayıb.

Paşa Məmmədli