İyunun nəticələrinə əsasən, Avropa İttifaqı gözlənilmədən Rusiya gübrələrinin idxalını aylıq 15% artıraraq 275 min tona çatdırıb. 

Valyuta.az xəbər verir ki, yaz boyu Aİ bu məhsulun Rusiya Federasiyasından alışını azaldıb. 

Pul ifadəsində idxal may ayı ilə müqayisədə 16% artaraq 90,1 milyon avroya çatıb.

İyun ayında Rusiya gübrələrinin əsas alıcısı Polşa olub. Ölkə alışları 14,2% artaraq 82,2 min tona çatdırıb. İkinci yeri idxalı ay ərzində 4,1 dəfə artaraq 55,9 min tona yüksələn Almaniya tutub. İlk üçlüyü 33,2 min tonla (-17%) Belçika tamamlayır.

Ümumilikdə, ilin birinci yarısında Aİ ölkələri Rusiyadan 2,2 milyon ton gübrə alıb ki, bu da 2023-cü ilin analoji dövrünün göstəricisindən 1,5 dəfə çoxdur. Təchizatların dəyəri 739,7 milyon avro təşkil edib.

Rusiya 2024-cü ildə gübrə istehsalını artırmağa davam edir. İlk altı ayın nəticələrinə əsasən məhsul istehsalı 4% artıb.

Paşa Məmmədli