Aprel-iyun aylarının nəticələrinə əsasən, Avropa İttifaqında müflisləşən şirkətlərin sayı birinci rüblə müqayisədə 3,1% artıb. 

Valyuta.az xəbər verir ki, bunu Eurostat məlumatları sübut edir.

Müflisləşən şirkətlərin sayında ən çox artım tikintidə qeydə alınıb. Üç ayda bu sahədə iflasların sayı 3,8% artıb. Həmçinin Aİ-də dövr ərzində maliyyə sektorunda (+2,6%), ticarətdə (+2,4%) və sənayedə (+1,6%) müflisləşən şirkətlərin sayı artıb.

Bununla yanaşı, bir sıra sənaye sahələrində müflisləşmə halları, əksinə, azalıb. Belə ki, ikinci rübdə informasiya və rabitə sahəsində müflis olan şirkətlərin sayı 4,8%, nəqliyyat sənayesində 1,6%, mehmanxana sektorunda və ictimai iaşə sektorunda 1,1%, təhsil və iaşə sektorunda 1,1%, sosial fəaliyyətlərdə - 1% azalıb.

İkinci rübdə Aİ-də yeni müəssisələrin qeydiyyatı yanvar-mart ayları ilə müqayisədə 2,1% azalıb.

Nicat