2024-cü ilin ikinci yarısında Rusiyada milli kriptovalyuta birjası işə salına bilər. 

Valyuta.az xəbər verir ki, bu barədə TASS-a müsahibəsində Dövlət Dumasının Maliyyə Bazarı Komitəsinin sədri Anatoli Aksakov danışıb 

O qeyd edib ki, bu prosesin potensial iştirakçıları var, lakin onların qəbulu və nəzarəti mexanizmlərini işləyib hazırlamaq lazımdır. Aksakovun sözlərinə görə, yeni qurumların fəaliyyətini əngəlləməyə cəhd edə biləcək bədxahların diqqətini cəlb etməmək üçün kriptovalyuta birjasının yaradılması ciddi şəkildə reklam edilməməlidir. O, ölkədə rəqəmsal valyutaların emissiyasının və dövriyyəsinin daha da hərtərəfli tənzimlənməsi üçün hüquq-mühafizə təcrübəsinin inkişaf etdirilməsinin vacibliyini vurğulayıb.

Avqustun əvvəlində maliyyə naziri Anton Siluanov bəyan edib ki, Maliyyə Nazirliyi Rusiya Bankı ilə birlikdə Rusiyada kriptovalyuta birjalarının yaradılmasını müzakirə edir, lakin tərəflər hələlik bu məsələdə konsensus əldə etməyiblər. Avqustun əvvəlində prezident Vladimir Putin Rusiya Federasiyasında kriptovalyuta mədən fəaliyyətini leqallaşdıran qanun imzalayıb.

Nicat