İyun ayında Rusiya Amerika dövlət istiqrazları portfelini 44 milyon dollara qədər azaldıb.

Valyuta.az xəbər verir ki, may ayında bu həcm 45 milyon dollar təşkil edib. 

İyun ayı üzrə Maliyyə Nazirliyinin statistikasına görə, Rusiya portfeli 42 milyon dollar uzunmüddətli qiymətli kağızlardan və 2 milyon dollar qısamüddətli qiymətli kağızlardan ibarətdir.

Yaponiya ABŞ dövlət borcunun ən böyük sahiblərindən biri olaraq qalır, onun investisiyaları ay ərzində 1,118 trilyon dollara düşüb (mayda 1,128 trilyon dollardan). İkinci yerdə 780,2 milyard dollarla Çin (mayda 768,3 milyard) qərarlaşıb. Üçüncü yeri hələ də istiqrazların həcmini 741,5 milyard dollarda saxlayan Böyük Britaniya tutur.

İyulun sonunda ABŞ-ın dövlət borcu tarixdə ilk dəfə olaraq 35 trilyon dolları keçib. ABŞ Konqresinin Büdcə Ofisinin proqnozlarına görə, 2034-cü ildə bu, 50 trilyon dolları keçəcək ki, bu da ölkənin ÜDM-nin 122%-dən çoxunu təşkil edəcək.

Paşa Məmmədli