Son bir ildə Polşada milli iqtisadiyyatın avroya keçidinin tərəfdarlarının payı 34,9%-dən 30,7%-ə qədər azalıb.

Valyuta.az bu barədə Polşa İqtisadi Azadlıq Fondunun (FWG) araşdırmasının nəticələrinə istinadən xəbər verir.

Eyni zamanda, ortaq Avropa valyutasına qarşı çıxan polyakların sayı 12 ay ərzində 50,8%-dən 56,8%-ə yüksəlib.

Müqayisə üçün deyək ki, 2002-ci ildə Polşanın avroya keçidinin mümkünlüyü ilə bağlı ilk sorğunun nəticələrinə görə, respondentlərin 90%-i belə bir fikrin tərəfdarı olub.

Tədqiqatın müəllifləri hesab edirlər ki, keçidin tərəfdarlarının sayının azalması Avropayönlü siyasi birliklərin passivliyi ilə bağlı olub.

Polşa 2004-cü ildə Avropa İttifaqına üzv olub. Ölkədə rəsmi pul vahidi zloti olaraq qalır. Bu gün avronun məzənnəsi təxminən 4,3 zlotiyə bərabərdir.

Paşa Məmmədli