Ukraynanın hərəkətləri səbəbindən Rusiyadan neft tədarükü ilə bağlı problemlər son dərəcə aktualdır. 

Valyuta.az xəbər verir ki, bu barədə Slovakiyanın baş naziri Robert Fiko öz "Facebook" səhifəsində məlumat verib.

"Slovnaft" neft emalı zavodu üçün Rusiya neftinin tədarükü son dərəcə aktual olaraq qalır. Biz neft məhsulları ilə bağlı böhrandan qaçmaq üçün hər cür kömək edirik", deyə Fiko bildirib.

Slovakiyanın baş naziri xatırladıb ki, Rusiyadan neft tədarükü ilə bağlı problemlər Ukraynanın "Drujba" neft kəməri ilə Slovakiyaya neft tədarük edən "Lukoyl" şirkətinə qarşı sanksiyalar tətbiq etməsindən sonra yaranıb. Kəmər Kiyevin nəzarətində olan ərazidə yerləşir.

Bundan əvvəl Robert Fiko bildirmişdi ki, Ukrayna və Slovakiya hökumətləri 2024-cü ilin oktyabrında ölkədəki münaqişənin sülh yolu ilə həlli ilə bağlı danışıqlar aparacaqlar.

Slovakiyanın baş naziri həmçinin əlavə edib ki, Kiyevin anti-Rusiya ritorikası və strategiyası nə Ukraynaya, nə də Avropa İttifaqına uğur gətirmir.

Paşa Məmmədli