Hazırda Ukrayna Rusiyanın Kursk vilayətinin Sudja şəhərində qaz ölçmə məntəqəsinə nəzarət edir.

Valyuta.az xəbər verir ki, bu barədə “The Washington Post”  Ukrayna prezidentinin müşaviri Vladimir Zelenskinin anonim bəyanatına istinadən yazır.

Bəzi analitiklər hesab edirlər ki, Kiyevin məqsədi təsir nöqtəsi kimi Rusiya qazının Avropaya nəqlini tamamilə kəsmək ola bilər. Cümə axşamı Rusiya təbii qazını Ukrayna vasitəsilə Avropaya nəql edən boru kəmərinin sonuncu əməliyyat yükləmə məntəqəsi olan Sudjadan qaz hələ də axırdı. Ukrayna gəlirli tranzit haqları alsa da, Rusiyanın Avropadakı enerji biznesinin qalan hissəsini kəsmək arzusunu ifadə edib”, - məqalədə deyilir.

Həmçinin qeyd edilir ki, Rusiya Milli Qvardiyası Sudja şəhərindən təxminən 40 mil (təxminən 70 km) şimal-şərqdə yerləşən Kursk AES ətrafında təhlükəsizliyi artırdığını bildirib.
Qeyd edək ki, rusiyalı bloqçular avqustun 7-də Ukrayna Silahlı Qüvvələri tərəfindən Sudja qazölçmə stansiyasının ələ keçirildiyini elan ediblər, lakin heç bir rəsmi təsdiqləmə olmayıb.

Avqustun 7-də Ukrayna əsgərlərinin Rusiyanın Sudjada əsas qaz tranzit məntəqəsini ələ keçirə biləcəyi xəbəri ilə Avropada qazın qiyməti bu ilin ən yüksək səviyyəsinə qalxıb.

Avqustun 8-də qaz qiymətlərindəki artım davam edib. Ukrayna ərazisindən təbii qaz axını ilin ən aşağı səviyyələrində olsa da, axmağa davam edir. Rusiyanın ixracatçısı PJSC Qazprom bildirib ki, cümə axşamı Sudja qəbul məntəqəsindən tranzit sutkada 37,3 milyon kubmetr təşkil edib. Məsələ ilə tanış olan insanlar bildiriblər ki, cüzi azalma müştərilərdən gələn sorğuların azalması ilə bağlıdır.

Bir qədər əvvəl UNIAN yazıb ki, Kursk vilayətində Rusiya Federasiyası Silahlı Qüvvələrinin iki batalyonu mühasirəyə alınmış ola bilər. Lakin bu məlumat sosial şəbəkələrdəndir, ona görə də bunu hələlik təsdiq və ya təkzib etmək mümkün deyil.

Hazırda Rusiya Federasiyasının Kursk vilayətində Ukraynanın bu cür əməliyyatları Rusiya ilə mümkün danışıqlara müsbət təsir göstərəcək. Bu barədə telemarafonda Ukrayna prezidentinin aparatının rəhbərinin müşaviri Mixail Podolyak bildirib.

Nicat