İyulun sonunda Çində istehlak qiymətlərinin (CPI indeksi) artımı illik 0,5%-ə çatıb. Ötən ay ölkədə inflyasiya fevral ayından bu yana ən yüksək sürətlə artıb. 

Valyuta.az xəbər verir ki, bu barədə CNBC Çin Xalq Respublikasının Dövlət Statistika İdarəsinin (SSA) hesabatına istinadən yazır.

Analitiklərin proqnozları iyulda inflyasiyanın illik 0,3%-ə yüksələcəyini gözləyirdi. Bir ay əvvəl bu, 0,2% idi.

Analitiklər deyirlər ki, donuz əti qiymətlərinin artması iyul ayında CPI indeksinin daha kəskin artmasına kömək edib. Çində geniş şəkildə istehlak edilən qida məhsulu olan ətin qiymətləri iyul ayında illik müqayisədə 20,4% artaraq 2022-ci ilin dekabrından bəri ən böyük artıma çatıb.

Ərzaq və enerji qiymətlərini nəzərə almayan əsas istehlak qiymətləri indeksi iyunda 0,6%-ə qarşı iyulda illik 0,4% artıb.

Nicat