Amerikalı multimilyarder Uorren Baffetin "Berkshire Hathaway" fondunun qısamüddətli ABŞ dövlət istiqrazlarına investisiyaları ikinci rübün sonunda FED-in investisiyalarını təxminən 40 milyard dollar üstələyib.

Valyuta.az xəbər verir ki, bu barədə "Markets Insider" yazıb.

Beləliklə, iyunun sonunda "Berkshire Hathaway"in portfelində Amerika Mərkəzi Bankı üçün 195,3 milyard dollara qarşı 234,6 milyard dollar dəyərində dövlət istiqrazları olub.

Son altı ayda Baffet qısamüddətli ABŞ dövlət istiqrazlarına investisiyalarını demək olar ki, iki dəfə artırıb. Müqayisə üçün bildirək ki, 2023-cü ilin sonunda portfel cəmi 130 milyard dollar idi.

"Göründüyü kimi, Baffet hazırda ABŞ-ın qısamüddətli borc qiymətli kağızlarını aşağı riskli aktivlər arasında ən yüksək gəlirli hesab edir", deyə analitiklər bildirir. 

İnvestor müvafiq olaraq 5,33%, 5,22% və 4,95% gəlirlilik ilə 1, 3 və 6 ay müddətində dövlət istiqrazlarına investisiya qoyur.

Hazırda Yaponiya ABŞ dövlət istiqrazlarının ən böyük sahibidir. 2024-cü ilin may ayında Tokio 1,13 trilyon dollar dəyərində ABŞ dövlət istiqrazlarına sahib idi.

Paşa Məmmədli