Son bir ildə uranın çevrilməsinin dəyəri 46% artaraq kiloqramı 60 dollara çatıb. 

Valyuta.az xəbər verir ki, bu barədə “Kommersant” Fransanın nüvə yanacağı istehsalçısı “Orano”nun hesabatına istinadən yazıb.

Bundan əlavə, nüvə yanacağı hasil etmək üçün bu xammalın zənginləşdirilməsinin spot qiyməti 19% artaraq, ayırma işlərinin vahidi üçün 174 dollara çatıb.

Ekspertlər bu qiymət artımını ABŞ hakimiyyətinin Rusiyadan zənginləşdirilmiş uranın tədarükünə qadağa qoymaq qərarı ilə əlaqələndirirlər. Eyni zamanda, 2024-cü ilin mayında ABŞ 209,5 milyon dollar dəyərində 91 tondan çox Rusiyadan uranı alıb.

Öz sentrifuqaları olmayan Amerikanın "Centrus Energy" şirkəti ABŞ Energetika Nazirliyindən ölkənin atom elektrik stansiyalarının ehtiyacları üçün "Rosatom"dan bu və sonrakı illər üçün uran almaq icazəsi alıb. Şirkət etiraf edir ki, ən azı 2027-ci ilin sonuna qədər Rusiya təchizatı olmadan edə bilməyəcək.

Paşa Məmmədli