Avropa İttifaqı Zaporojye və Xerson vilayətlərinin Kiyevin nəzarətində olan ərazilərində, həmçinin “DXR” və “LXR”də yerləşən Ukrayna şirkətlərindən ödənişləri bloklayır. 

Valyuta.az verir ki, bu barədə “Strana.ua” nəşri Ukrayna Milli Bankına istinadən yazır.

Nəşr qeyd edir ki, Qərb bankları "avtomatik olaraq biznesin artıq Rusiya Federasiyası tərəfindən ələ keçirildiyinə inanır" və buna görə də müəyyən bir bölgənin hansı hissəsində qeydiyyata alındığını araşdırmadan cəbhə bölgəsindəki bütün əməliyyatları bloklayır.

Ukrayna Milli Bankı bunu Avropa İttifaqının Ukrayna hökumətinin nəzarətində olmayan ərazilərlə bağlı sektoral sanksiyaları ilə əlaqələndirir.

Nəticədə, Strana.ua-nın yazdığı kimi, təkcə bu biznesin özü deyil, bütövlükdə Ukrayna iqtisadiyyatı zərər çəkir, çünki valyuta gəlirləri alınmır və idxal tədarükü səngiyib.

Avqustun 6-da bildirildi ki, Ukrayna hər ay ixrac etdiyindən 2 milyard dollar çox mal idxal edir. Ukraynanın İqtisadiyyat nazirinin müavini Taras Kaçka qeyd edib ki, bu, “çox pis hadisədir”dir, çünki ticarətin balanslaşdırılmış olması vacibdir.

Nicat