Amerika proqram təminatı istehsalçısı Oracle-ın Rusiyadakı törəməsi olan Oracle Computer Equipment şirkətinin keçmiş işçilərini bonuslarını qaytarmağa məcbur etmək istəyirlər. 

Valyuta.az xəbər verir ki, bu barədə RBC xarici İT şirkətinin Rusiya Federasiyasındakı filialının iflas işi üzrə arbitraj meneceri Yeqor Nepomnyaşiyə istinadən yazır.

Nəşrin məlumatına görə, Oracle-ın keçmiş top-menecerlərini məhkəmə yolu ilə 50 milyon rublu qaytarmağa məcbur etməyə çalışırlar. Söhbət 2022-ci ildə mütəxəssislərə bonus kimi ödənilən puldan gedir.

Materialda qeyd edilir ki, şirkət Rusiyadakı törəmə şirkətinin müflisləşməsi fonunda iflas əmlakını artırmaq üçün belə bir addım atıb. Yeqor Nepomnyaşşinin dediyi kimi, iddia filialın keçmiş rəhbəri Yevgeni Dryakinə və Oracle-ın Rusiya Federasiyası və MDB ölkələrindəki keçmiş baş idarəedici direktoru Aleksey Kuroçkaya da aiddir.

2022-ci ildə birinci mütəxəssis 8,4 milyon rubl, ikincisi isə 9,3 milyon rubl məbləğində mükafat alıb. Bu, Amerika şirkəti mart ayında Rusiya bazarından çıxdığını elan etdikdən sonra baş verib.

Arbitraj meneceri Oracle-ın işçilərə qəsdən belə böyük bonuslar ödədiyini vurğulayıb. O, əlavə edib ki, o anda onun məqsədi iflas əmlakını azaltmaq olub ki, bu da mövcud vəzifələrin tam əksinədir.

Nəşrdən belə çıxır ki, 2023-cü ildə məhkəmə Oracle Computer Equipment-i müxtəlif müqavilələr üzrə öhdəliklərini yerinə yetirə bilməyən müflis elan edib. İndi, kreditor şirkətləri ödəmək üçün Oracle-ın törəmə şirkəti bonuslara xərclənən pulu iflas əmlakına qaytarmağa çalışır.

Nicat