Rusiyadan buğda ixracına görə rüsum avqustun 7-dən bir ton üçün 906,4 rubldan 444,4 rubla endiriləcək.

Valyuta.az xəbər verir ki, "İnterfaks" bu barədə Rusiya Federasiyasının Kənd Təsərrüfatı Nazirliyinə istinadən yazır.

Yeni tarif 2022-ci ilin iyul ayından minimumdur (rubl ilə rüsumun hesablanmasının başlanğıcı). Arpa və qarğıdalı tədarükü üzrə rüsumlar sıfır səviyyəsində qalacaq.

İlin birinci yarısında Çin Rusiya buğdasının alışını kəskin şəkildə artırıb. Yanvar-iyun aylarının sonunda tədarükün həcmi 38,9 milyon dollar təşkil edib ki, bu da 2023-cü ilin analoji dövrünün göstəricisindən (4,6 milyon dollar) 8 dəfə çoxdur. 

Bundan əlavə, Çin Rusiyadan digər dənli bitkilərin idxalını artırıb. Beləliklə, son altı ayda qarabaşaq yarması və darının tədarükü bir il əvvəlki 20,8 milyon dollarla müqayisədə 2 dəfədən çox artaraq 43,6 milyon dollara, darının tədarükü isə 13,7 milyon dollardan 28,6 milyon dollara yüksəlib.

Paşa Məmmədli