Ukrayna üçün tikilmiş ikinci “Ada” sinfindən “Hetman İvan Vıqovski” korveti Türkiyədə suya buraxılıb.

Valyuta.az xəbər verir ki, bu barədə Ukraynanın müdafiə naziri Rustem Umerov bildirib.

Umerov deyib ki, o, birinci xanım Yelena Zelenskaya ilə birlikdə Ukrayna korveti “Hetman İvan Vıxovski”nin buraxılışında iştirak edib.

Dənizə buraxılış mərasimi İstanbuldakı RMK Marine tərsanəsində baş tutub. Hərbi Dəniz Qüvvələrinin komandanı Aleksey Neyjpapa, “Baykar” şirkətinin sahibi Haluk Bayraktar və Tatar Məclisinin sədri Mustafa Cemilev də iştirak ediblər.

“Hetman İvan Vıqovski” və “Hetman İvan Mazepa” korvetləri Rusiyanın təcavüzü nəticəsində Türkiyədə tikilib.

İlk korvet mayın 29-da dəniz sınaqlarına başlayıb.

“Militarnyi” nəşrinin məlumatına görə, Ukraynanın “Ada” sinifli korvetləri 76 mm-lik dəniz artilleriya qurğusu, 12,7 mm-lik uzaqdan idarə olunan STAMP qurğuları, atəşə nəzarət sistemi radarları, peyk sistemləri, elektron döyüş sistemləri və Mk 36 SRBOC dipol tıxac sistemləri ilə silahlanıb.

Xatırladaq ki, 2023-cü ilin avqustunda Türkiyənin Ukrayna Silahlı Qüvvələrinin Hərbi Dəniz Qüvvələrinin ehtiyacları üçün “Ada” tipli ikinci korvet inşa edəcəyi bildirilmişdi.

2022-ci ilin avqustunda Zelenski Türkiyənin Ukraynada inşa etdiyi Ukrayna Silahlı Qüvvələrinin ilk “Ada” sinif korvetinə “Hetman İvan Mazepa” adını verib.
8 mart 2024-cü ildə Zelenski ikinci korvetə “Hetman İvan Vıqovski” adını verib.

Nicat