Çərşənbə günü, iyulun 31-də keçirilən iclasdan sonra ABŞ Federal Ehtiyat Sistemi (FRS) baza dərəcəsini 5,25-5,5% səviyyəsində saxlayıb. 

Valyuta.az xəbər verir ki, bu barədə tənzimləyicinin saytında yerləşdirilən press-relizdə deyilir.

"FOMC federal fondların faiz dərəcəsi üçün hədəf aralığını 5,25-5,5% səviyyəsində saxlamağa qərar verdi", - məlumatda deyilir.

Bundan əvvəl Amerika İki Partiyalı Siyasət Mərkəzinin iqtisadi siyasət proqramının icraçı direktoru Şai Akabas demişdi ki, ABŞ-ın büdcə kəsirindəki rekord artımın arxasında iki amil dayanır: sosial xərclər və dövlət borcuna xidmət üçün xərclər. Son doqquz il ərzində ABŞ-da yaşlı amerikalıların sayı nəzərəçarpacaq dərəcədə artıb və buna uyğun olaraq sosial xərclər də artıb. Beləliklə, 2015-ci ildəki 59 milyona qarşı 2024-cü ildə 67 milyon insan müavinət alır, - Akabas qeyd edib.

Nicat