İspaniyanın rəqabət orqanı (CNMC) Booking.com onlayn turizm agentliyini son beş ildə dominant mövqeyindən sui-istifadə etdiyinə görə 413 milyon avro cərimələyib.

Valyuta.az xəbər verir ki, bu barədə Euractiv məlumat yayıb. Bu, İspaniyada antiinhisar qanunlarını pozduğuna görə indiyədək tətbiq edilən ən böyük cərimədir.

“Booking.com-da rezervasiya həcmi yüksək olan otellərin daha yaxşı yerləşməsinə görə, digər onlayn agentliklər bazara girə və ya genişlənə bilməyiblər”, - CNMC-nin açıqlamasında deyilir.

CNMC-nin məlumatına görə, Booking.com-un Fransadan sonra dünyanın ən çox ziyarət edilən ikinci ölkəsi olan İspaniyada bazar payı son beş ildə 70%-90% arasında olub.

Booking.com 60%-dən çox bazar payı ilə Avropada dominant oyunçudur.

May ayında Avropa İttifaqı Booking.com-u daha sərt rəqabət qaydalarına tabe olan iri rəqəmsal şirkətlər siyahısına daxil edib. Brüssel, Booking.com-un daha sərt tənzimlənməsinin tətil edənlərin "daha çox seçimdən faydalanmağa başlayacağı" və otellərin "daha çox iş imkanlarına sahib olacağı" anlamına gəldiyini söyləyib.

Daha əvvəl, 2024-cü ilin iyul ayında Macarıstanın rəqabət orqanı Booking.com-u ikinci dəfə “ədalətsiz” biznes təcrübələrini, o cümlədən “müştərilərə psixoloji təzyiq göstərməy”i dayandırmadığı üçün 925 min avro cərimələyib.

Macarıstan ilk dəfə olaraq aqressiv satış taktikasına görə onlayn səyahət agentliyini 2020-ci ildə 6,2 milyon avro cərimələyib.

13 may 2024-cü ildə Avropa İttifaqının tənzimləyiciləri Booking.com üçün tələblər irəli sürdülər. Şirkəti cərimə gözləyir.

Nicat