![](https://valyuta.az/file/articles/2024/07/25/1721909634_1.jpg)
Avropada hasilatın azalması 2024-cü ildə maksimuma çatıb
Avrozonada sənaye istehsalının azalması iyul ayında daha da güclənib. İşgüzar aktivlik indeksi (PMI) 45,6 bəndədək azalaraq bu ilin əvvəlindən bəri ən aşağı səviyyəyə çatıb.
Valyuta.az xəbər verir ki, bu barədə “Politico” "S&P Global" beynəlxalq reytinq agentliyinə istinadən yazır.
Avropanın "lokomotivləri" - Fransa və Almaniya ən pis göstəriciləri göstərir. İyulda Almaniyada PMI 42,6 bənd, Fransada 44,1 bənd təşkil edib.
“Sənayedəki vəziyyət acınacaqlı görünür və yaxşılığa doğru dəyişiklik əlaməti yoxdur. Tənəzzülün əvvəllər düşünüldüyü kimi müvəqqəti və dövri xarakter daşımadığı ortaya çıxıb”, deyə Finlandiya Mərkəzi Bankının rəhbəri Olli Ren bildirib.
Bundan əvvəl "Bloomberg" investorların Avropa İttifaqının ən böyük iqtisadiyyatına inamını itirməyə başladığını yazmışdı. Almaniyada biznes güvən indeksi iyulda bir il sonra ilk dəfə və bir ay əvvəlki 47,5 bənddən dərhal 41,8 bəndinə düşüb. Analitiklərin fikrincə, dinamika regionun iqtisadi perspektivlərinin pisləşməsi ilə bağlıdır.
Paşa Məmmədli
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay