ABŞ daxili siyasi problemlərə görə Tehrandan sanksiyaların götürülməsi məsələsində İranla ətraflı məsləhətləşmələr aparmağa hazır deyil. 

Valyuta.az xəbər verir ki, ISNA agentliyinin verdiyi məlumata görə, bu barədə ölkənin xarici işlər nazirinin müavini Rza Nəcəfi məlumat verib.

"Biz ABŞ-ın növbəti hökumətinin bu məsələ ilə bağlı siyasətinin necə olacağını müşahidə edəcəyik", deyə xarici işlər nazirinin müavini bildirib.

O qeyd edib ki, İran tərəfi həmişə danışıqlar masası arxasına əyləşib və iyulun 5-də keçirilən prezident seçkilərinin ikinci turunda qalib gələn prezident Məsud Pezeşkianın başçılığı ilə İslam Respublikasının növbəti hökumətini formalaşdırarkən onlara hazırdır. İran hakimiyyəti qeyd edib ki, Oman ABŞ-la məsləhətləşmələrdə vasitəçi kimi çıxış edir. Nəcəfi aydınlaşdırıb ki, tərəflər sanksiyaların aradan qaldırılması, Yaxın Şərqdə yaranan vəziyyəti və İranın nüvə proqramını müzakirə edirlər.

İyunun 27-də ABŞ dövlət katibi Entoni Blinken İranın “nüvə proqramını genişləndirməsi” adlandırdığına cavab olaraq, onun neft sektoruna qarşı yeni sanksiyalar elan edib.

Paşa Məmmədli