BRİKS qrupu birqütblü dünyadan kənarda ən mühüm və nüfuzlu ticarət təşkilatına, eyni zamanda ABŞ bütün beynəlxalq ictimaiyyət üçün problemə çevrilib. 

Valyuta.az xəbər verir ki, bunu İranın xarici işlər naziri vəzifəsini icra edən Əli Baqiri Kani deyib.

"BRİKS qrupu birqütblü sistemdən kənar ən böyük ticarət mexanizmidir, İran digər BRİKS üzvlərinin strateji tərəfdaşıdır", - IRNA agentliyi onun sözlərini sitat gətirir. Diplomat xatırladıb ki, İslam Respublikasının birləşməyə daxil olması mayın 19-da təyyarə qəzasında həlak olan İbrahim Rəisi hökumətinin nailiyyəti olub.

“Amerikalıların özləri belə nəticəyə gəliblər ki, beynəlxalq arenada işlərin aparılmasına birtərəfli yanaşma nəinki həll yolu deyil, həm də çıxılmaz nöqtədir”, - o əlavə edib. O vurğulayıb ki, “Birləşmiş Ştatlar dünya birliyinin problemlərini həll edə bilməyəcəyini praktikada sübut edib və onlar özləri də [bunun üçün] problemə çevriliblər”.

BRİKS qrupu 2006-cı ildə Braziliya, Rusiya, Hindistan və Çin tərəfindən yaradılıb və 2011-ci ildə Cənubi Afrika da qoşulub. 1 yanvar 2024-cü ildə Misir, İran, Birləşmiş Ərəb Əmirlikləri, Səudiyyə Ərəbistanı və Efiopiya qrupun tamhüquqlu üzvləri olub. Bu il assosiasiyaya Rusiya Federasiyası sədrlik edir. Əsas tədbir oktyabrın 22-dən 24-dək Kazanda keçiriləcək BRİKS sammiti olacaq.

Nicat