Tarixən Rusiya üçün əsas ağac bazarlarından biri Avropa ölkələri olub, lakin Qərbin sanksiyaları səbəbindən ixrac yenidən Asiya bazarlarına yönəlib. 

Valyuta.az xəbər verir ki, bu barədə RİAMO-ya müsahibəsində “Rusiya Meşəsi” Taxta Sənayesi Milli Assosiasiyasının prezidenti Olqa Kalyujnaya məlumat verib. Onun sözlərinə görə, 2022-ci ildən Çin və MDB ölkələri Rusiya Federasiyasının əsas tərəfdaşları olaraq qalırlar. Bundan əlavə, Türkiyə və digər ölkələrə tədarüklər artır.

“Bəli, iki il ərzində, 2021-ci ildən 2023-cü ilə qədər ixracın dəyəri təxminən iki dəfə azalıb: 2021-ci ildəki 17 milyard dollardan 2023-cü ildə 9 milyard dollara qədər. İxracın Asiya bazarlarına, MDB ölkələri, Türkiyə və Misirə istiqamətləndirilməsi indi ixracı artırmağa imkan verir”, - Kalyujnaya qeyd edib.

O, əlavə edib ki, ixracda azalmanın pik nöqtəsi 2022-ci ildə keçib, 2023-cü ildə isə bərpa müşahidə olunub.

Əvvəl Kalyujnaya qeyd edib ki, 2021-ci ildən 2023-cü ilə qədər Rusiyaya meşə məhsulları idxalının ümumi həcmi 3,74 milyard dollardan 2,23 milyard dollara qədər azalıb.

Mütəxəssis, eyni zamanda, bu gün Rusiya Federasiyasında bütün növ kağız və karton istehsal olunmadığından bazarda tələb və təklif balansını saxlamaq üçün məhsulun bir hissəsi xaricdən gətirilir.

Nicat